இங்கிலாந்துக்கு சென்ற வெஸ்ட் இண்டீஸ் அணி

கொரோனா வைரஸ் தாக்கம் காரணமாக பல விளையாட்டுப் போட்டிகள் ரத்து செய்யப்பட்டும், ஒலிம்பிக் உள்ளிட்டவை தள்ளி வைக்கப்பட்டும் உள்ளன. இந்நிலையில், கிரிக்கெட் ரசிகர்களுக்கு நல்ல செய்தி கிடைத்துள்ளது. அதன்படி, வெஸ்ட் இண்டீஸ் அணியினர் 3 டெஸ்ட் போட்டியில் விளையாடுவதற்காக இங்கிலாந்துக்கு புறப்பட்டு சென்றனர்.

இங்கிலாந்து- வெஸ்ட் இண்டீஸ் அணிகள் மோதும் முதல் டெஸ்ட் போட்டி ஜூலை 8-ந்தேதி சவுத்தாம்ப்டனில் உள்ள ரோஸ்பவுல் மைதானத்தில் தொடங்குகிறது. 2-வது டெஸ்ட் போட்டி ஜூலை 16-20 வரையிலும், 3-வது மற்றும் கடைசி டெஸ்ட் ஜூலை 24-28 வரையிலும் மான்செஸ்டரில் நடக்கிறது.

ஆனால், ரசிகர்களால் நேரடியாக இந்த போட்டியை ஸ்டேடியத்தில் கண்டுகளிக்க முடியாது. ஐ.சி.சி.யின் புதிய வழிகாட்டு முறைகள் இந்த டெஸ்ட் தொடரில் பின்பற்றப்படும்.

டேரன் பிராவோ, ஹெட் மையர், கீமோ பால் ஆகிய 3 வீரர்கள் கொரோனா வைரசுக்கு பயந்து இங்கிலாந்து செல்ல மறுத்து விட்டனர்.

இங்கிலாந்து டெஸ்ட் தொடரில் விளையாடும் வெஸ்ட் இண்டீஸ் வீரர்கள் விவரம்:-
ஜேசன் ஹோல்டர் (கேப்டன்), பிளாக்வுட், பான்னெர், கிரேக் பிராத் வெயிட், புரூக்ஸ், கேம்ப்பெல், ராஸ்டன் சேஸ், கார்ன் வால், ஷானே டவுரிட்ஜ், செமர் ஹோல்டர், ஷகி ஹோப், அல்ஜாரி ஜோசப், கேமர் ரோச், யேமன் ரெய்பர்.