“ஆட்சியாளர்களை ‘போக்கத்த பசங்க’ என்ற ஸ்டாலின் தான் போக்கத்தவர்!” அமைச்சர் ஜெயக்குமார் சுளீர்!

ஆட்சியாளர்களை போக்கத்த பசங்க என்று சொல்லும் ஸ்டாலின் தான் போக்கத்தவர் என்று அமைச்சர் ஜெயக்குமார் குற்றம் சாட்டி உள்ளார்.

சுதந்திரப் போராட்ட வீரர் ராமசாமி படையாட்சியாரின் 103-வது பிறந்த நாளை முன்னிட்டு, சென்னை கிண்டியில் உள்ள அவரது சிலைக்குக் கீழ் வைக்கப்பட்டிருந்த படையாட்சியாரின் உருவப் படத்துக்கு அரசின் சார்பில் அமைச்சர்கள் ஜெயக்குமார், சி.வி.சண்முகம், கே.பி.அன்பழகன், கடம்பூர் ராஜூ, ஓ.எஸ்.மணியன், மாபா.பாண்டியராஜன், பெஞ்சமின் மற்றும் பாடநூல் கழக தலைவர் வளர்மதி உள்ளிட்டோர் மரியாதை செலுத்தினர். 

பின்னர் செய்தியாளர்களிடம் பேசிய அமைச்சர் ஜெயக்குமார், சுதந்திரப் போராட்ட வீரர் ராமசாமி படையாட்சியாரின் பிறந்த நாள் அரசு விழாவாகக் கொண்டாடப்பட்டு வருவதாகக் கூறினார்.

பொதுப்பட்டியலுக்கு சென்ற கல்வியை மாநிலப் பட்டியலுக்கு மாற்றுவதற்கு திமுக முயற்சி செய்யவில்லை என்று குற்றம் சாட்டிய அமைச்சர் ஜெயக்குமார், திமுக தலைவர் ஸ்டாலினுக்கு அரசியல் நாகரிகம் தேவை என்றும், ஆட்சியாளர்களை போக்கத்த பசங்க என்று சொல்லும் ஸ்டாலின் தான் போக்கத்தவர் என்றும் பேசினார்.

மேலும்கொரோனா பேரிடர் காலத்தில் உயிரைப் பணயம் வைத்து அரசு இயந்திரம் செயலாற்றி வரும் நிலையில், பிக்பாஸ் வீட்டுக்குள் ஒளிந்து கொண்டு உலகம் தெரியாமல் அரசை விமர்சித்து அறிக்கை விடுவதன் மூலம், பிக்பாஸ் சீசன் 4-க்கு கமல்ஹாசன் விளம்பரம் தேட முயற்சிக்கிறார் என்று அமைச்சர் ஜெயக்குமார் குற்றம் சாட்டி உள்ளார்.