இன்று தங்கத்தின் விலை சவரனுக்கு ரூ. 1,248 குறைந்து ரூ.38,128-க்கு விற்பனை!!

சென்னையில் இன்று தங்கத்தின் விலை சவரனுக்கு ரூ. 1,248 குறைந்து ரூ.38,128-க்கு விற்பனை செய்யப்படுகிறது. கடந்த ஓரிரு மாதங்களாக தங்கத்தின் விலை தொடர்ந்து ஏற்ற, இறக்கத்தில் இருந்து வருகிறது.

இந்நிலையில் இன்று (செவ்வாய்க்கிழமை) தங்கத்தின் விலை அதிரடியாகக் குறைந்துள்ளது. 22 காரட் தங்கத்தின் விலை சவரனுக்கு ரூ. 1,248 குறைந்து ரூ.38,128-க்கு விற்பனை செய்யப்படுகிறது. ஒரு கிராம் தங்கம் ரூ. 156 குறைந்து ரூ.4,766-க்கு விற்பனையாகிறது. அதேபோன்று, வெள்ளியின் விலை 4 ரூபாய் 10 காசுகள் குறைந்து ஒரு கிராம் வெள்ளி ரூ. 66.90-க்கும், ஒரு கிலோ வெள்ளி விலை ரூ. 66,900-க்கும் விற்பனை செய்யப்படுகிறது. 

கடந்த ஆகஸ்ட் மாதத்தில் ஒரு சவரன் தங்கத்தின் விலை ரூ.43 ஆயிரத்தைத் தாண்டி வரலாறு காணாத உச்சத்தைத் தொட்டது குறிப்பிடத்தக்கது.