இறக்குமதியாகும் இறைச்சிகளில் கொரோனா வைரஸ்… அதிர்ச்சியூட்டும் சீனா!!

பல்வேறு நாடுகளில் இருந்து இறக்குமதியான மாட்டு இறைச்சியில் புதிய கொரோனா வைரஸ் இருப்பதாக சீனா புது குண்டை தூக்கிப் போட்டுள்ளது.

சீனாவில் இருந்து உலகின் மூலை முடுக்கெல்லாம் கொரோனா வைரஸ் பரவி கிடக்கிறது. இதனை விரட்டி அடிக்க உலகம் முழுவதும் அனைத்து நாடுகளும் போராடி வருகிறது. மேலும் உலகளவில் கொரோனாவால் இறந்தவர்களின் எண்ணிக்கை  கோடிக்கணக்கான மக்களை கொன்று குவித்துள்ளது.

இதனால் சீனாவின் மீது உலக நாடுகளுக்கு மிகுந்த கோபம் இருக்கிறது. இந்நிலையில் பிரேசில், நியூசிலாந்து, பொலிவியா ஆகிய நாடுகளில் இருந்து சீனாவிற்கு இறக்குமதியான பதப்படுத்தப்பட்ட மாட்டு இறைச்சியில் கொரோனா வைரஸை கண்டறிந்துள்ளதாக அந்நாடு அதிர்ச்சியூட்டும் தகவலை வெளியிட்டுள்ளது.

கடந்த வாரம் லாங்ஸூ நகரில் சவுதி இறால் கறியிலும், வுஹான் நகரில் பிரேசிலின் மாட்டு இறைச்சியிலும், ஷாங்டாங் மற்றும் ஜியாங்சு மாகாணங்களில் அர்ஜெண்டினாவின் மாட்டு இறைச்சியிலும், ஸெங்ஸுவு நகரில் அர்ஜெண்டினாவின் பன்றி இறைச்சியிலும் கொரோனா வைரஸ் பாதிப்பை சீன அதிகாரிகள் கண்டறிந்துள்ளனர்.

இந்த விவகாரம் தற்போது பெரும் அதிர்ச்சியை ஏற்படுத்தியுள்ளது. உலகிலேயே மாட்டு இறைச்சியை அதிகம் வாங்கும் நாடுகளில் சீனா முதலிடத்தில் இருக்கிறது. பிரேசில் மற்றும் அர்ஜெண்டினா ஆகிய நாடுகள் அதிகளவில் மாட்டு இறைச்சியை விற்கும் நாடுகளாக திகழ்கின்றன.

ஆனால் இவற்றில் ஈடுபட்டுள்ள நிறுவனங்களின் பெயர்கள் வெளிப்படையாக தெரிவிக்கப்படவில்லை. உலக சுகாதார நிறுவனம் வெளியிட்டுள்ள தகவலின்படி, பதப்படுத்தப்பட்ட உணவுப் பொருட்களில் கொரோனா வைரஸ் பாதிப்பு என்பது மிகவும் குறைவு. ஆனால் சீனா கூறும் குற்றச்சாட்டுகள் எச்சரிக்கையூட்டும் வகையில் இருக்கின்றன. எனவே இறக்குமதி செய்யப்படும் உணவு பொருட்களின் மீது அதிக கவனம் செலுத்த வேண்டிய கட்டாயம் ஏற்பட்டுள்ளது.