சிக்னல் செயலிக்கு வாட்ஸ் அப் குரூப் சாட்டிங்கை எப்படி மாற்றுவது?

வாட்ஸ்அப் சமீபத்தில் தனது தனியுரிமை கொள்கைகளில் சில மாற்றங்களைக் கொண்டு வந்தது. இந்த மாற்றங்கள் தனிநபரின் உரிமைகளை பாதிக்கும் வண்ணம் இருக்கிறது என பலரும் எதிர்ப்பு தெரிவித்து வந்தனர். மேலும் பலர் வாட்ஸ்அப்பை விட்டு வெளியேறி சிக்னல் செயலிக்கு மாறினர். சென்சார் டவர் தரவுகளின்படி, 2020 டிசம்பர் 26-31 உடன் ஒப்பிடும்போது ஜனவரி 1-6 2021 க்கு இடையில் சிக்னலின் பதிவிறக்கங்கள் இந்தியாவில் 79% வரை உயர்ந்துள்ளது. டெலிகிராமும் கணிசமான அளவு முன்னேற்றம் கண்டதாகக் கூறப்படுகிறது. மேலும் வாட்ஸ் ஆப்பை விட சிக்னல் ஆப்பில் பல்வேறு சிறப்பு அம்சங்கள் வரவேற்பை பெற்றுள்ளன. 

அதில் மிக முக்கியமான அம்சம் அனைவரையும் கவர்ந்துள்ளது. அது என்னவென்றால், வாட்ஸ் ஆப்பில் குரூப் சாட்டில் உள்ள தகவல்களை அப்படியே சிக்னல் செயலிக்கு மாற்றலாம் என்பதுதான். 

உங்கள் வாட்ஸ்அப் குரூப் சாட்ஸ் தகவலை சிக்னல் மெசேஜிங் செயலியின் பயன்பாட்டிற்கு மாற்றுவது எப்படி? 

படி 1: சிக்னல் பயன்பாட்டைத் திறந்து, மேல் வலது மூலையில் உள்ள மூன்று புள்ளிகளை கிளிக் செய்து ஒரு குழுவை உருவாக்கவும் 

படி 2: உருவாக்கிய குழுவிற்கு ஒரு பெயரைக் கொடுத்து, விரும்பிய தொடர்புகளைச் சேர்க்கவும். 

படி 3: இப்போது குழு சாட் பாக்ஸைத் திறந்து மேல் வலது மூலையில் உள்ள மூன்று புள்ளிகளைத் கிளிக் செய்து (Settings>Group link) அமைப்புகள்> குழு இணைப்பைத் தேர்ந்தெடுக்கவும் 

படி 4: குரூப் லிங்கை மாற்று என்பதை இயக்கி, “பகிர்” (Share) என்பதைத் தட்டவும் 

படி 5: இப்போது வாட்ஸ்அப் குழு சாட் பகுதியைத் திறந்து குரூப் லிங்கை பேஸ்ட் செய்யவும். 

இப்போது இந்த இணைப்பை அணுகக்கூடிய எவரும் நிர்வாகியால் உருவாக்கப்பட்ட சிக்னல் குழுவில் ஷாட் செய்யலாம். நிர்வாகி அவர்கள் விரும்பும் எந்த நேரத்திலும் இணைப்பை அணைக்க முடியும் என்பதை சிக்னல் வெளிப்படுத்துகிறது. வாட்ஸ்அப் மட்டுமல்ல, பயனர்களை உள்நுழைவதற்கு நிர்வாகி இந்த இணைப்பை பிற பயன்பாடுகளில் பகிர்ந்து கொள்ளலாம்.