ரூ. 191 அதிகரித்த சிலிண்டர் விலை : பயனாளர்கள் கடும் அதிர்ச்சி

தமிழகத்தில், வணிக பயன்பாட்டிற்கான சிலிண்டர் விலை, இம்மாதம், 191 ரூபாய் அதிகரிக்கப்பட்டு உள்ளது. 

பொதுத்துறையை சேர்ந்த இந்தியன் ஆயில், பாரத், ஹிந்துஸ்தான் பெட்ரோலியம் எண்ணெய் நிறுவனங்கள், வீடுகளுக்கு, 14.20 கிலோ எடையிலும்; வணிக பயன்பாட்டிற்கு, 19 கிலோ எடையிலும், சமையல் காஸ் சிலிண்டர்களை வினியோகம் செய்கின்றன.அந்நிறுவனங்கள், சர்வதேச சந்தையில் நிலவும், கச்சா எண்ணெய் விலை நிலவரத்திற்கு ஏற்ப, மாதம்தோறும், உள்நாட்டில், சமையல் காஸ் சிலிண்டர் விலையில் மாற்றம் செய்கின்றன. 

தமிழகத்தில், ஜனவரியில், வீட்டு சிலிண்டர், 710 ரூபாய்க்கு விற்பனையானது. இம்மாதம், அதன் விலை மாற்றப்படவில்லை.. 

அதே நேரம் ஜனவரியில், 1,463.50 ரூபாய்க்கு விற்பனையான வணிக பயன்பாட்டு சிலிண்டர் விலை, இம்மாதம், 191 ரூபாய் அதிகரித்து, 1,654.50 ரூபாயாக நிர்ணயிக்கப்பட்டு உள்ளது.