தமிழகத்தில் ரேசன் கடைகளுக்கு இன்று விடுமுறை!

ரேஷன் கடைகளுக்கு இன்று விடுமுறை நாளாக தமிழக அரசின் உணவு வழங்கல் மற்றும் நுகர்வோர் பாதுகாப்புத்துறை கமிஷனர் அறிவித்துள்ளது.

இது தொடர்பாக நுகர்வோர் பாதுகாப்புத்துறை வெளியிடபட்டுள்ள சுற்றறிக்கையில், கொரோனா பரவல் காரணமாக ரேஷன் அட்டைதாரர்களுக்கு வீடுகளுக்கு சென்று டோக்கன் வழங்கப்பட்டது. இந்த பணிகளை ரேஷன் கடை ஊழியர்கள் தங்களது விடுமுறை தினங்களான கடந்த ஜூலை 10, ஆகஸ்டு 7 மற்றும் செப்டம்பர் 4-ந்தேதி ஆகிய நாட்களில் மேற்கொண்டனர்.

எனவே ரேஷன் கடைகள் வேலை நாட்களாக செயல்பட்ட அந்த நாட்களுக்கு பதில் செப்டம்பர் 19, அக்டோபர் 17(இன்று), நவம்பர் 21-ந்தேதி ஆகிய 3 நாட்கள் விடுமுறை நாட்களாக அறிவிக்கப்படுகிறது.” இவ்வாறு அதில் கூறப்பட்டுள்ளது.

இது இரண்டாம் விடுமுறை நாள் என்பது குறிப்பிடத்தக்கது. அடுத்த விடுமுறை அடுத்த மாதம் நவம்பர் 21-ந்தேதி வழங்கப்படுகிறது.