விர்ச்சுவல் விசிட்டிங் கார்டு சேவையை அறிமுகப்படுத்திய கூகுள் நிறுவனம்!!

உலகின் மிகப்பெரிய நிறுவனமான கூகுள் தன்னுடைய பயனர்களுக்கு பல்வேறு வசதிகளை வழங்கி வருகிறது, அதில் ஒன்று தான் கூகுள் சர்ச் கார்டு மூலம் பிரபலங்களின் விவரங்களை அறிந்து கொள்வது. எனினும், இது பொது மக்களுக்கு பொருத்தமில்லாத ஒன்று ஆகும். இதனை முற்றிலும் மாற்ற கூகுள், “பீப்பிள் கார்ட்ஸ்”(People Cards) எனும் அம்சத்தை துவங்கி இருக்கிறது.

கூகுளின் புதிய பீப்பிள் கார்ட்ஸ் சேவையை கொண்டு பயனர்கள் அவர்களுக்கான விர்ச்சுவல் விசிட்டிங் கார்டை உருவாக்கி கொள்ள முடியும். இதனை உருவாக்க பயனற்கள் சைன் இன் செய்து உங்களின் பெயர் அல்லது add me to search என சர்ச் பாக்சில் டைப் செய்ய வேண்டும்.

இனி உங்களின் விவரங்களை கூகுள் அக்கவுண்ட்டில் இருந்து உருவாக்கிக் கொள்ள கோரும் தகவல் திரையில் தோன்றும். இதில் உங்களின் விவரங்கள் மட்டுமின்றி, வலைதளங்கள் மற்றும் சமூக வலைதள ப்ரோபைல்களை லின்க் செய்து கொள்ள முடியும். பயனர் விரும்பும் பட்சத்தில் மொபைல் நம்பர் மற்றும் மின்னஞ்சல் முகவரியையும் சேர்த்து கொள்ளலாம்.

ஒரு அக்கவுண்ட்டிற்கு ஒரு கார்டு மட்டுமே உருவாக்கிக் கொள்ள முடியும். ஒருவேளை கார்டு உருவாக்கியவர்கள் அதனை அழித்துவிடும் வசதியும் வழங்கப்படுகிறது. கூகுளின் பீப்பிள் கார்ட்ஸ் அம்சம் மொபைல் சர்ச் பயனர்களுக்கு வழங்கப்பட்டு வருகிறது.