தனது நாட்டு மக்களுக்கு தீபாவளி வாழ்த்து தெரிவித்த பாகிஸ்தான் பிரதமர் இம்ரான் கான்!!

பாகிஸ்தானில் சிறுபான்மையினராக வாழ்ந்து வரும் இந்து மக்களுக்கு பிரதமர் இம்ரான் கான் தீபாவளி வாழ்த்து தெரிவித்துள்ளார்.

இந்தியாவில் தீபாவளி பண்டிகை விமரிசையாக கொண்டாடப்பட்டு வருகிறது. இதேபோன்று பாகிஸ்தானில் வாழ்ந்து வரும் இந்து மக்களும் தீபாவளியை கொண்டாடி வருகின்றனர். பாகிஸ்தானில் வாழ்ந்து வரும் இந்து மக்கள் தங்களது இல்லங்களை விளக்குகள் கொண்டு அலங்கரித்து உற்சாகமாக தீபாவளியை கொண்டாடி வருகின்றனர்.

பாகிஸ்தானில் உள்ள இந்து கோயில்களும் மலர் மற்றும் வண்ண விளக்குகளால் அலங்கரிக்கப்பட்டு சிறப்பு வழிபாடு நடத்தப்பட்டதாக தெரிவிக்கப்பட்டுள்ளது. பாகிஸ்தானில் சிந்து, மத்தியாரி, ஜாம்ஷோரோ, பாதின், சங்கார், ஹலா, டான்டோ ஆடம், மற்றும் ஷாதத்பூர் ஆகிய பகுதிகளைச் சேர்ந்த இந்துகள் தீபாவளியை கொண்டாடி வருகின்றனர்.

இந்நிலையில் சிறுபான்மை இந்து மக்களுக்கு பாகிஸ்தான் பிரதமர் இம்ரான் கான் தீபாவளி வாழ்த்து தெரிவித்துள்ளார். இது குறித்து சுட்டுரையில் பதிவிட்டுள்ள அவர், “எமது இந்து குடிமக்களுக்கு தீபாவளி வாழ்த்துகள்” என்று குறிப்பிட்டுள்ளார்.