ஐபில் 2020:இறுதி வரை திக் திக் சூப்பர் ஓவரில் மும்பையை வீழ்த்திய பெங்களூரு….

ஐ.பி.எல். கிரிக்கெட் போட்டியின் பரபரப்பான லீக் ஆட்டத்தில் சூப்பர் ஓவரில் மும்பை அணியை போராடி வென்றது பெங்களூரூ அணி.

டாஸ் வென்ற மும்பை இந்தியன்ஸ் அணி பந்துவீச்சை தேர்வு செய்தது. அதன்படி, களமிறங்கிய பெங்களூரூ அணிக்கு பின்ச் மற்றும் படிக்கல் அபாரமான ஆட்டத்தை வெளிப்படுத்தினர். கேப்டன் கோலியை தவிர்த்து மற்ற அனைத்து வீரர்களும் பொறுப்பாக ஆடி ரன்களை சேர்த்தனர். பின்ச் (52), படிக்கல் (54), டிவில்லியர்ஸ் (55 நாட் அவுட்), டுபே (27 நாட் அவுட்) ஆகியோர் ரன்களை குவிக்க, 20 ஓவர்களில் 3 விக்கெட் இழப்பிற்கு 201 ரன்கள் சேர்த்தது.

இமாலய இலக்கை நோக்கி ஆடிய மும்பை அணிக்கு, கேப்டன் ரோகித் சர்மா, டிகாக், சூர்யகுமார் யாதவ், ஹர்திக் பாண்டியா சொதப்பினர்.

இருப்பினும், இஷான் கிஷான், பொல்லார்டு ஆகியோரின் பேட்டிங் பெங்களூரூ அணிக்கு பீதியை ஏற்படுத்தியது. இருவரும் மாறி மாறி பந்துகளை சிக்ஸர்களும், பவுண்டரிகளுக்கும் பறக்க விட்டனர். இருவரும் அரைசதம் அடித்தனர். அதிலும், பொல்லார்டு 19 பந்தில் 50 ரன்களை கடந்தார்.

கடைசி ஓவரில் 19 ரன்கள் தேவைப்பட்ட நிலையில் மும்பை அணி 18 ரன்கள் மட்டும் எடுக்க போட்டி டிரா ஆனது. பின்னர் சூப்பர் ஓவருக்கு சென்ற நிலையில் முதலில் பேட்டிங்க் செய்த மும்பை அணி 7 ரன்கள் மட்டும் அடித்த நிலையில் பின்னர் விளையாடி பெங்களுரு அணி எளிதில் வெற்றி பெற்றது. இந்த போட்டியின் ஆட்டநாயகனாக டி வில்லியர்ஸ் தேர்வு செய்யப்பட்டார்.