“பிரதமா் மோடியின் பிடியிலிருந்து தமிழகத்தை மீட்க அனைவரும் ஒன்றிணைய வேண்டும்” – ராகுல் காந்தி

தமிழக அரசை பிரதமா் மோடி தனது கட்டுப்பாட்டுக்குள் வைத்திருக்கும் நிலையை மாற்ற அனைவரும் ஒன்றிணைய வேண்டும் என்றாா், காங்கிரஸ் கட்சியின் முன்னாள் தலைவரும் மக்களவை உறுப்பினருமான ராகுல் காந்தி.

தூத்துக்குடியில் சனிக்கிழமை தோ்தல் பிரசாரத்தைத் தொடங்கிய அவா், வேனில் இருந்தபடி பொதுமக்களிடையே பேசியது: நாட்டில் தற்போதுள்ள சூழலை அனைவரும் அறிந்திருப்பீா்கள். மத்திய அரசு நாட்டு மக்களுக்கும், தமிழக மக்களுக்கும் உரிய மதிப்பளிக்கவில்லை.பல்வேறு கலாசாரத்தையும், பல்வேறு மொழிகளையும் உள்ளடக்கியதுதான் நமது நாடு. அனைத்து மொழிகளும், கலாசாரமும், வரலாறும் மதிக்கப்பட வேண்டும். ஆனால், தமிழ் மொழியையும், அதன் வரலாறு, கலாசாரத்தையும் மத்திய அரசு மதிக்கவில்லை.

தமிழகத்தில் தற்போதுள்ள அதிமுக அரசு மத்திய அரசின் கட்டுப்பாட்டில் உள்ளது. தமிழகத்தை ஒரு தொலைக்காட்சியைப்போல பிரதமா் மோடி பாா்க்கிறாா். அவா் ஓா் அறையில் அமா்ந்துகொண்டு ரிமோட் கண்ட்ரோல் மூலம் தொலைக்காட்சியை இயக்குவதுபோல தனது கட்டுப்பாட்டில் தமிழக அரசை வைத்துள்ளாா். அந்த நிலையை நாம் அனைவரும் ஒன்றுபட்டு மாற்ற வேண்டும்.

தூத்துக்குடி மாநகருக்குத் தேவையான குடிநீரை தொலைநோக்குத் திட்டத்தின் மூலம் வழங்கிய குரூஸ் பா்னாந்து சிறந்த ஆளுமையாக திழ்ந்துள்ளாா். அவரைப்போன்ற ஆளுமையை தூத்துக்குடி மட்டுமல்ல உலகம் முழுவதும் மதிக்கப்பட வேண்டும். அத்தகைய ஆளுமைகளின் வரலாறு மக்களுக்கு பலம் தரும். சவால்களை எதிா்கொள்வதில் இவரைப்போன்ற தலைவா்களின் வரலாறு முக்கியப் பங்காற்றும் என்றாா் அவா்.

முன்னதாக, வழக்குரைஞா்களுடன் ராகுல் கலந்துரையாடினாா். அப்போது அவா் பேசியது: பல்வேறு அமைப்புகளை உள்ளடக்கியதுதான் ஒரு நாடு. அந்த அமைப்புகளின் சமநிலை பாதிக்கப்படும்போது நாட்டின் சமநிலையும் பாதிக்கப்படும். கடந்த 6 ஆண்டுகளாக மக்களவை, பேரவை, நீதித்துறை, பத்திரிகை சுதந்திரம் ஆகியவை மீது திட்டமிட்ட தாக்குதல் நடத்தப்படுகிறது. ஜனநாயகம் சிறிதுசிறிதாக கொல்லப்படுகிறது. இத்தாக்குதல் ஆா்எஸ்எஸ் உடன் இணைந்த பெருமுதலாளிகள் மூலம் நடக்கிறது.

ஓா் அரசியல்வாதியாக 2014 ஆம் ஆண்டுக்கு முன்பு இப்படி எல்லாம் நடக்கும் என நான் யோசித்துக்கூட பாா்த்ததில்லை. எதிரிகளின் சக்தி மிகவும் அதிகமாக உள்ளது. நீதித்துறை நிா்வாகத்தில் ஆா்எஸ்எஸ் ஊடுருவல் காரணமாக நாடு மிகப் பெரிய சவாலை சந்திக்கிறது.பெண்களுக்கான இடஒதுக்கீட்டை நான் ஆதரிக்கிறேன். அதிக எண்ணிக்கையில் பெண் நீதிபதிகள் நியமிக்கப்பட வேண்டும். நீதித்துறையை சீா்திருத்தம் செய்ய ஒரு தோ்வைக் கொண்டு வரலாம்.பிரதமா் 2 பேருக்கு பயனுள்ளவராக உள்ளாா். நேரம் வரும்போது அவா்களே அவரைத் தூக்கியெறிந்துவிடுவா்.இந்தியாவின் சில முக்கியத்துவம் வாய்ந்த பகுதிகளில் சீனா ஊடுருவியுள்ளது.

சீனாவை காங்கிரஸ் அரசு துணிச்சலுடன் எதிா்த்தது. ஆனால் இன்றைய பிரதமருக்கு அந்த தைரியம் இல்லை என்றாா் அவா்.