ஒரே பாலின தம்பதியினரை சேர்ந்து வாழ அனுமதித்த ஒடிசா உயர்நீதிமன்றம்!!

பாலின அடையாளங்களைப் பொருட்படுத்தாமல் மனிதர்கள் தங்கள் உரிமைகளை முழுமையாக அனுபவிக்க உரிமை உண்டு என்று கூறி ஒரே பாலின தம்பதியினரை சேர்ந்து வாழ ஒடிசா உயர்நீதிமன்றம் அனுமதித்து உத்தரவிட்டுள்ளது.

நீதிபதி எஸ்.கே.மிஸ்ரா மற்றும் நீதிபதி சாவித்ரி ரத்தோ ஆகியோர் அடங்கிய அமர்வு, 24 வயதான ஒரு திருநங்கையின் ஆட்கொணர்வு மனுவை விசாரித்தபோது, தன்னை ஒரு மனிதனாக அடையாளப்படுத்தி வாதிட்ட மனுதாரர், ‘தனது துணையின் தாயும், மாமாவும் சேர்ந்து வலுக்கட்டாயமாக ஜஜ்பூரில் உள்ள அவளது வீட்டிற்கு அழைத்துச் சென்று, அவளது  திருமணத்தை வேறொரு நபருடன் ஏற்பாடு செய்து, எங்களை பிரிப்பதற்காக நீதிமன்றத்தை அணுகும்படி அந்நபரை தூண்டியுள்ளனர்’ என்று கூறினார்.

மனுதாரரின் வாதத்தை கேட்ட தலைமை நீதிபதி எஸ்.கே.மிஸ்ரா, “இருவருக்கும் அவர்களின் பாலியல் விருப்பம் குறித்து முடிவு செய்ய உரிமை உண்டு என்று தீர்ப்பளித்ததோடு, புவனேஸ்வரில் உள்ள மனுதாரருடன் பங்குதாரர் சேர ஜஜ்பூர் காவல்துறை கண்காணிப்பாளர் உறுதிசெய்ய வேண்டும்.” என்று உத்தரவிட்டார்.

நீதிபதி ரத்தோ கூறுகையில், “சேர்ந்து வாழ முடிவு செய்துள்ள இருவருக்கும் தங்களுக்கு விருப்பாமானதை தேர்ந்தெடுக்கும் சுதந்திரம் உள்ளது. தீர்ப்பின் காரணமாக அந்த பெண் மனுதாரரின் நிறுவனத்தில் சேருவார் என்றாலும், அவர் மனுதாரருடன் பிரிந்து செல்ல விரும்பினாலோ அல்லது தனது தாயிடம் திரும்பிச் செல்ல விரும்பினாலோ, அவளுக்கு எந்தவிதமான தடையும் இல்லை. மேலும் அவர்களின் இந்த முடிவை இச்சமூகம் ஆதரிக்க வேண்டும். இருவரும் மகிழ்ச்சியாக மற்றும் அன்பாக வாழ்வார்கள் என்று தாங்கள் நம்புகிறோம்” என்று நீதிபதி ரத்தோ கூறியுள்ளார்.